REV DR T LAIKAI PALYUPALIHNA

(Mararâh awnanopa luhpa kô 30 tlai a vaw châna nata awnanopa liata kô 45 tlai a vaw chakaona palyupalihna)

Khazoh awna ao na thei vâ,

Kalâ hmia lia lôhhrâtlô ta,

Sawhkhâ biehnei, ngôh tâkâ zy,

Lôhhiahra lei siesai chi ta,

Marasawzy miah kuh khei chi;

Eima châ ly ngaitakaw na,

Eima Hyutuh, Tâtâpaw y!

Awnanopa rairu châh lia,

Riethei hra la, thachhâ hra la,

Na sihnô chhy ngô tâkâ zy

Vâ cheita lei, a pachyu ta,

Marasawzy miah chhi ha chi;

Eima châ ly ngaitakaw na,

Eima Hyutuh, Tâtâpaw y!

Khazoh chi chô chakao chi ta,

Chysa dopa, hriapasapa,

Kuzôthaipa, nâma vata,

Mararâh lia Awnanopa

Pha viana lâ pangai ha pi;

Eima châ ly ngaitakaw na,

Eima Hyutuh, Tâtâpaw y!

Chô Khazoh ta châ chhi sa la,

Na kyhpachâ Marapa râh

Na hrokheipa awnanopa,

Na lapisaw, heih-nawh zy châ,

Byhnâ sôh châ pazao chy la,

Khazoh pha ta chhâna taihta

Cha vaih sa la, cha hrôhbi se!