A Tlâhpa ta, Shillong!

Meihthâh zawh, meisakô thlihua nai zualua tlâh,

Shillong Khih lâ sona tlua ta eima za sie;

Marasawzy chhuah hmeihseih ta, tiama ta,

A chu pi ta, hlaotloh cheingei eimâ chhuah.

Ward’s Lake lia hraisi paw ngia a kaw paw heih ti,

Ngiahtiah lei, ‘Mas chhuti noh pha eima tah tyh.

Hyde Park lia Jacarenda kaw pakai ta,

Exam khai, nopi chhuti noh eimâ ly tyh.

Daihtizy sie ta, keimo eima vaw tlô haw,

Achuna tlô ta khih lâ sie daihti â vaw hnia;

Châ’sa, Shillong siesai hmeihseih awpa cha,

Lôhlie âa vaw chhih pâ kaw, hy lailâh saih.

My ru kaw aw, Shillong Mara daihti pha zy,

PB su lia apakhyna daihti sôh zy,

Anton Hall lia Fresherzy ‘ly tyhpa zy,

Red Field liata Sports Day hmâ tyhpa zy kha.

Happy Valley eima khô tawh hnôhlâ heih ta,

A chhâna ta moh chanei hei, Shillong khihpi;

Hy eima laih tyhna Shillong tlâh ngia, eima sie bâ aw,

A tlâhpa ta tyhheih hlâ lei mâ pha chy sy!