MARA KRIZYHPA MAOHPHAONA

Khazoh pha kyhpachâna vâ,

Sâtâ beina Mara râh zoh,

Krista beina râh khaih vaw châ haw;

Taotuh za pahno lei ta,

Thlahzo, nôpo ta zâ y tyhpa,

Thlalôh ly ta charei ha bâ pi.

A saipa ta eima hmôpa,

A saipa ta pie laih hraw’pa,

Beipa ta Marasaw miah tuah haw;

Hrâ siehnaoh ta chho laih tyhpa,

Râh khakhaizy hnohna cha ta,

Dyhna bie phuah, Bei ta miah tuah haw.

Hawti machâ, chanô chapaw,

Theina hneina papua khai ta,

Thlahpa patu’pa Bei ta miah tuah;

Thokhazy ta sie aw ei ta,

Mohro thlahchhâ hmopie aw ei;

Eima zydua Bei ta miah hnaw khai.

Khazoh, hy Mara râh Khazoh,

Hmâh mah y, na Mara râh he,

Na châta, nâma châ deita ta;

Pathai la, na thisaih sôh ta,

Tobi, na Thlahpa Pathaih ta,

Miah tuah mah y, khizaw zydua lia.