KYH NÂ PACHÂ KAWPA Â-UH KHA

Â-uh,

Chavyh nôsaw a pahlei ta a pahlei pi ta,

Chiahchi paw lo ta eimâ lo sai.

Kô châhdi a tyh heina samaw thlôh khiah ma tah na ta,

Heih lei râh lâ a pathliena tlao a vaw châ.

Vaw dieh heih se, ei ngia kaw tyh,

Phiah la khoh tyhna noh ly y zy,

Lyuhbie thlôh paryh khoh tyhna daihti pha zy,

Ramâ pha khaih khoh tyhna zâ pathaih zy,

Bei reithai khoh tyhna my nochhi phazy kha!

Chatatly,

Â-uh,

Taotuh Khazoh khih rao hapa cha

Thâkao zo kha hnao vei hra la,

Ahy nô-u a reih thei aw?

Cha vâ kaw tyh hr’ei si,

Sihnôh a kua awpa châ khao chi vâ!

Bie hmia lia tyh heih hlâ lei,

Zâ to châta mâ pha sy, Â-uh!