KYH NÂ PACHÂ NGAITAPA EI PUHPA KHA

Na saw châ leipa na ta,

Na unawhpa saw chhao châ hra leipa na ta,

Na sietanô saw tlâ châ na ta;

Chahrasa kei châta khâpa hmâh i va chi.

Khatlupo ta na kyhpachâna kha,

Nâma hawhpa puhpa he khizaw iiata ama hluh na ta

pangiasa va na.

Na o thlahlôh lia na chakuh-chavei chi ta,

Na niepa maih na paniesa hra chi ta,

Na dopa maih do hra na ta,

Chysia ngia to rai ta eina tobi chi.

Khatlupo ta na kyhpachâna kha

Pakah ta rei khai thai tiah awpa châ vei.

A aw b ch na pathaisa chi ta,

Viahchâ py sâh hlei taihta eina pakia sa ha chi;

Biesozy na pachu chi ta,

Heih mo mo leipa ta eina pa ysa ha chi.

Khatlupo ta na kyhpachâna kha

Reih na ta ei phuah lai lymâ tyh..

Ei taopasinazy nâ ngiahthai chi ta,

Ei hmo khopa nata hmochhuahpazy tao na pasai chi ta,

Ei sie khona lâ maih byhnâ awna chôta na pasiesa chi ta,

Na hrozie ngia nata do ta eina chhihtha ha chi.

Khatlupo ta na kyhpachâna kha

Ei hro chhôh noh zydua ta my thei khao aw va na.