PACHUTUH PHA KYHPACHÂNA

 aw b ch, sâkha sâno,

Ano vâta reih thai na ta;

Hawti hrupa chybia tu lei,

Ano vâta kaw soh nata;

A rôhnah chai, sona pietuh

Pachutuh pha kyhpachâna.

My thei va na, ei tao pha ti,

A thlôhchho hmia ly tyh zie kha;

Ei thei thlah chy, hlaotloh lei ti,

A pangâna ao nônai kha;

A rôhnah chai, sona pietuh

Pachutuh pha kyhpachâna.

A hroh thlah chy, tao tlamaw ti,

A chhôhso pha ngiathaina kha;

A châh thlah chy, ly lei daihti,

A thlahlôh bie reihkah sôh kha;

A rôhnah chai, sona pietuh

Pachutuh pha kyhpachâna.

Ei hmô thlah chy, tlâh lei daihti,

A ku nônai thlahchhana kha;

My beih ‘va na, a tiamana,

A hro do mopâ tlâh zie kha;

A rôhnah chai, sona pietuh

Pachutuh pha kyhpachâna.

Khizaw liata ryu sôh chaipa,

Khazoh pahno ta china zy;

Châthaina nah hro pitlohna,

Adona nah ngâchhihna zy,

Tiamana nah hriapasana,

Hawtizy hnoh a paryuh haw.

Khazoh pha ta, pachutuh pha,

Chakaotuh pha, pasaipha kha,

Thlaohchhi sa la, hrôhbieh mawh sy!

A saw a nawh, samoh sahlah,

Vâ byhnâzy to ei sa la,

Byhnâ hnawh châ lymâ ei se!