Mara Paw Byhnâ Awna

Khazoh pha ta Marasawzy,

Lâthlôh do lia khâ chhi sa la;

A bietai râh Mara tlâhzy,

Byhnâ vao via lymâ sa la;

Râh chô lia ryurei kôzaw se!

Marazuahnô dichainôzy,

Ly hla ngia paryh ei sa la;

Mara thyutlia pasaiphazy,

Vârâh chiah-mie tô ei sa la,

Reithaina pyu diah beih khah se!

Mara pawpi paw ngia chaizy,

Thosôh chô to pawh ei sa la;

Châhvâ nochhi thlihua nai zy,

Mara tlâhpi, tlâh ngia chô lia

Paw thlôh ti za hie tyh ei se!

Zâ chho ziza nai zualua ta,

Zâbeinô roh thlôh kaw phaoh se;

Zâ pavaw pha ao ngiazy ta,

Mara tlâhpi tlâh ngia châ ta

Mokuh nawhhla ei tyh ei se!

Vâ hyhnâzy suah ei sa la,

Noh phazy chhi lymâ sa la;

Byhnâ thla thiehzy diehpa ta,

He bietai râh, Mara râh lia

Lyna chavah loh zaolao se!