EI SAHRÔSI

Ei sahrôsi, saw matlupa,

Laih para la, seih para la,

Khazoh chi la, a bie zyh la,

Nôpaw rei chhao a ngiah hra la,

Hlatlohna nah hro pasina

Khazoh pha ta cha pie mawh sy!

Ei mo pakia, saw matlupa,

Laih para la, seih para la,

Nôpaw hrozie a mopâ la,

Lâthlôh do lia khâ a chhih la,

Hlatlohna nah hro pasina

Khazoh pha ta cha pie mawh sy!

Kho-iah hnei chai, saw matlupa,

Laih para la, seih para la,

Thaina chi to vaw pahmaoh la,

Tiama ngâchhih ta rai hria la,

Khazohpa nah Maraland châ

Vânoh taotuh kaw châ mah y!