Mara Sikuhawti Sie Heih Daihti

Noh patu thai châ sa la cha,

Ei viasapa ‘Hlihchhy’ nata

Ei viasanô ‘Hlyâh’ zy chhao,

Theilâ pawpi zy lyu laih ta,

Lôvyh, siahly a châ chy’pa

Ei kho thlâ bao na.

Chahrasala, patlô mâh lei

Viahchâ py sâh sonô vâta,

Sakao khaih lâh ngiamo mâh lei

Viasa phazy siesai heih ta,

Raihnô khaih pha Mara tlâh ngia

Khô a ngiah ha heih.

Rikha lailâh, a tlâhpa ta,

Lyubie na za hlâ tyh muh vy!

Khih kha râh kha, a tlâhpa ta,

Hmo pha ei cha kaw phaopa’ei sy!

Khazoh pha ta tyhheih noh pha

Miah pie heih mawh sy!

Haosâ tlâhpi ei khô hlâta

Hnôhlâ heih ta sai chanei heih,

Paw to hlyna Mara tlâhpi.

Mara paw ngia Âvy paw y,

Kô châhdi ei kaw tlô heih ti

Na za paw dy heih mah y!