Râhsaw Pha

Râhsaw pha cha,

“Râh ta khâma eina taopa aw” tah châpa ta,

“Râh châta khâma ei tao aw” tahpa tlao a pachâ tyh.

Râhsaw pha cha,

To tua chai awpa a chhuhrao leipa ta,

A tovyuh cheingei chhao peimawh viapazy a tlei tyh ei.

Râhsaw pha cha,

Ano nata a chhôhkha pha nawpa sai ta hria leipa ta,

Râh pha nawpa ta râh châta a hriapasa lymâ hra.

Râhsaw pha cha,

Baona dao awpa ta a kudao khoh leipa ta,

A hriapasana theilâpazy tlao a nie tyh hri.

Râhsaw pha cha,

Hmô awpa hlâta

Pie awpa a kho via hri.

Râhsaw pha cha,

Zawpi hmohneipa ano eih hawhta pasô ta,

Râh leilô a phapa ta a mohôh.

Râhsaw pha cha,

Râh châta mâsa tyh ta,

Tiama, ngâchhih, adona zy ta hroh ta râh châta a hria tyh.

Râhsaw pha cha,

Hmeihseihna liata khâchâ a duah ha ta,

Adona liata cha ano dei chhaota a sie ngâh.