CHÂHVÂ VIASA

Zâhkô châhvâ thla lia,

Laichawdinô nata vaw tlô khoh ei chi ta,

Châhvâ lyna naw phaopa chi.

Châhvâ vaw chhi heih,

Laichawdinôzy khihliah kaw chahryh heih ei,

Nâ deikua vaw tlô khao va chi;

Ei châ thei kaw.

Châhvâ vâsua hry lia,

Châhvâ pawpizy loh khoh pi ta,

Paw ngia to hry na chareisa chi.

Châhvâ vaw chhi heih,

Paw chhyh panyuzy kaw thyu heih ei,

Nâ deikua a vaw lâ khao va chi;

Ei cha vâ kaw.

Châhvâ vâsua mylâ vâ pathaih ry lia,

Sopavawzy lyna tlâhpadâ pha zy hryh laih ta,

Sai ai lei Khazoh kuzô ngia râh panyu pha zy sai khoh pi.

Châhvâ avâ a vaw pai heih,

Sopavawzy a vaw ly heih ei,

Nâ deikua y khao va chi;

Ei châ tyh heih khoh kaw.