LY KHOH HEIH SI, BEI PI DAIHTI

Krismas dawh a vaw paro hawh heih,

Vâ hlapy ao ngiazy lôhlie pathieh heih;

Noh chhi pha, zâ pathaih lia Bei pihpa,

Lyna hla ngiazy paryh ta dy suh vy!

     Ao ngia zydua pie khai si la,

     Hla ngia zydua ano eih châ khai se!

     Paw ngia to rai ta tobi si la,

     Palôh zydua anota hnei khai se!

Ly khoh heih si, he daihti pha he,

Kyhpachâ chhôhkha, lôhkhy, viasa phazy;

Dyhna Bei thieh vaw pihpa reithai ta,

Kyhpachâ hla ngia ta a chahry heih si.

Lâhnia lâhla chhôhkha viasazy,

Vâ via rili tyh ei, he daihti sôh lia;

Vâ Bei thieh hla ngiazy paryh ta,

Ly ta hmâh hra mawh ei se, he noh pha he.

Beidyuchhai rôhnah za siesai ta,

Miah pachhaw’pa ta khizaw lia vaw pi ta;

Lei nah vâ ryureihtuh Bei chaipa cha

Lyna hla ngiazy paryh ta dy suh vy!