DAIHTI

“Daihti he sôh châ ta”,

Chavâ daihti hmâ pado leipa cha

Sôh hmâ pado leipa châ ta,

Daihti pahryuh thlâhthlipa cha

Sôh pahryuh thlâhthlipa a châ.

Daihti cha sie lymâ ta,

Chavâ daihti hnoh sie hra leipa cha

Heih a kho leina châ ta;

Daihti ryhpaoh patu hmâ leipa cha

Kyna, leina thaby a châ.

Daihti cha hrona châ ta,

Na daihti a chhâ noh lia cha

Nâ chhao chhâ pâ hr’aw chi ta;

Daihti kua khao leipa hawh ta

Nâ chhao sihnôh vaw kua khao hra aw va chi.

32. HMO PHA TAO

Daihti nah thina ta abei machhie pathlua vei.

Molai mochyh, sipasa hnerôh chhao pathlua hra vei.

Chyhsa to chô lia â kho ta ryu a reih tyh.

Hapa a hnei lei daihti sie lymapa hnoh ta,

Chyhsapa hrona sôh chhao he a sie laih lymâ hra;

Chhâna noh khatita ma cha tlô thlyu aw.

Thi aw pi ta, rei lei ta my ta eima y aw,

Eima hmo pha taopazy deikua khâ thei ta y aw;

Chavâ hro noh chyu he hmo pha tao ta hmâh s’u.