Reih eih, Chi eih, Râh eih Marapasawzy

Taotuh Khazoh ryhrao vâ,

Babel chhâhsâh a cho noh tawh,

Chyhsa chi to pho to vaw y;

Cha hry pho kha Mara phopi ta vaw duah haw.

Chi nah reih â nano vâ,

“Pho hro khakhai” – hro zie pha vei;

Chi nah reih zy siesai khai ta,

Vo hro bu chhao pho tly saw tao zie châ hra vei.

Reih hlô ngia eihhrâh cheih ta,

Râh eih chhôh lia laih zaolao ta;

Moh eih chakhi eima châ tawh,

Pabohsa he pikhei maohphao lai tlai a châ.

Pathlatuhzy daihti lia,

Vyhphao, sei za chaba ei ta,

Mara râh zâ hrâkâ tyh ei;

Tanoh kheihta eima râh duakhei eimâ chhuah hra?

Vyhphao nata sei zy hlâ,

Châbu kawlaw tlô via ha ba;

Chava thaina to pahmaoh ta,

Mara râh he Marasaw chhihtha râh châ bâ pawh se!

Chata, khizaw duah chy sa la,

Reih eih, chi eih, râh eih chhôh lia,

Kalâ pai lei bâh lia keima cha-ao,

Chahawh Khazoh lôhhnao kei la za pangiasa hlei va.