Pôhkha Marasaw

Sahroh a zaw tawhta lâ tleipazy

Arieva lia a boh thai veih ei.

Mahsô sô kha thlie thei hra la,

Sô sari chhaoh thlie thei khao aw va chi.

Pakha dei ta chaka thei leipa tihra chhao,

A hlao ta cha chaka thei lyhliapa a châ tyh.

Chahawhta Marasawzy chhao pi he,

Liahsa ta ngiahtlâh a chi ha si la,

Mo hro ta maniah tiah leipa aw ei ta,

Hmo pha hluhpi eima tao thei aw.

Chavata, unawh kho ngaitapa y,

Nâmo py, keimo py, a tah lei ta,

Kyh to liata lôhraoh ta a pôhkha ha ei suh u;

Chatalei cha eima leidia pathlei aw na.

Râh châta hmo pha taona kyh liata,

Chybâlâkhâh châ tlâ lei ta,

Bâh-lia a cha-ao ta sie lymâ sih la,

Râh rôhnah padua khoh ei suh u.

A thei chhei tlamaw tyh hr’ei si,

Ananonazy vaw y tyh hra se,

‘Mara’ ta maniah chahry pabaoh heih tyh sa la,

Râh kyhpachâ vâ a pôhkha heih tyh suh u.