Bietai Râh

Chasipaw zâ nohtla pha lia,

Raihnô khaih pha tlâh padâ tawh,

Mara tlâh ngia sai sualua na.

Zâlâ thlihua nai zualua hry,

Sopavawnô ao ngia chai zy;

Lytlâh lôkâh tipasoh nah,

Lyurâh pawpi, paw sôh kô zy;

Khiahlôh a vaw tlâh rima cha!

Marapa chi, heihzy saih u,

A khy u la, sai hra tua u!

Nochhi tlâhpi, notla tlâhthlôh,

Maw tlâh sâh nah chho lytlâh byuh,

He tlâhzy, he tlâhzy tlai hi,

Keimo châ Khazoh kuzô ki,

Byhnâ tlâhzy a vaw châ tlai he!

Mara tlâhpi, ei paw tlâh ngia,

Mara bypi, ei nô râh pha,

Noh ry molâh râh hro zy hry,

Nawhhnai va chi, ei laihna râh!

Marapasaw, sahrôsizy,

A ly u la, a ly teh u!

Rei khao aw vei, bietai râh lia,

Marasawzy lôhhratlô ta,

Charei zaolao n'awpa daihti pha.

Râh noh khaih pha, cha nohzy lia,

Râh panyu pha ramawhzy ta,

Tâkâ thei kaw pathei aw ei;

Vahtly tipi Mara Beinô ta,

Ngôh suasuapa vaw patoh aw;

Tikhaohpi ti Palâ tipo ta,

Rubi lôsôh kaw paphao aw;

Chatlu pha awpa rimâ cha!