Mara Autonomous District Council

Hy MADC, Mara meiôh,

Na khaih pha lia Mara lyta charei zaolao se;

Mara tlâh ngia, phopi sawzy laihna tlâhthlôh,

Khaih sa la, khaih via lymâ se, na zawhzi.

Hy MADC, Mara kupi,

Na dôhpachhôh lia Mara boh ta a thlahlôh se;

Manômapaw zâ pabohtuh Mara tlâhpi,

Marasaw châ chhâ zydua ta duah lymâ se.

Hy MADC, Mara lyu pha,

Na kôvei ta Marasawzy lôhhrâ patlô se;

Khihti phazy kô chareih ta tla ei sa la,

Marasaw châ kô pha noh phâ chhi lymâ se.

Hy MADC, Mara khih pha,

Na haosai pha lia Marasawzy khiahlôh tlâh se;

Thai hlei chô chhâh, râhsaw phazy pua ei sa la,

Mara tlâh he khizaw vatei thâh rili se.

Hy MADC, Mara chhituh,

Na ryhpa pha lia Mara râh he khohtalaih se;

Châ paduatuh Khazoh kho zie hmia pasa la,

Mara râh he thlaochhi râh pha châ lymâ se