LO MÂH KHAH Y, THYUDYU DAIHTI

Sopavaw hawh khotalaihna,

Rôs paw ngia hawh paw lochona,

Zawlaidi hawh kho-iah hneina,

Châbu thieh hawh pahno khona,

Hla ngiapa hawh chhôhso tlâhna,

Zâbeinô hawh roh pahâna,

Thyudyu daihti, lochona y,

Lo mâh khah y!

Sa Sô Nga Sô ta Cha-ia Sa Pachâ

(He châpaw he Deiva Mara Daily ta a papua haw)

He Mara bieso, “sa sô nga sô ta cha-ia sa pachâ,” tahpa he hmialâta eima reipahmaoh hawpa, “zuneih ki phao ta phao” tahpa nah kha ta amâ hnia kaw. A pachuna chhao â lyu rô. “Sa sô liah sô ta cha-ia sa pachâpa” tahpa ta chhaota rei tyhpa a châ hra. Hlâno daihti liata cha Marapasawzy ta cha-ia sa he sa nata nga hmeihseihpa hawhta za pachâ veih ei. Râh pua daihti nata chavah sie ti zy ta, sa tlyma nga ama mâh keih vei khiah cha, “cha-iazy chhâ pahao ei suh u” ama tah tyh. “Sa sô nga sô ta cha-ia sa pachâ” tahpa bieso pachuna he a chyu thei chaina hawhta tlâh kha tata rei eimâ chhuah khiahta cha, rao awpa hropa ama y lei vâta a tlâh a châ tu leipazy rao thlah hapa, lâ chhâh a chakhi.

EI LAPINÔ, TIRIA NOHZUAH

Khazohpa nah keima vâta,

Na kyhpachâ tiria haosâ

Râh ngiapa nah râh hneirôhpa,

Na tlaichhaipa na nô na paw,

Na heih na nawh, na lôhkhy zy

Lôhhia hra chô siesai khai ta,

Mara râh lâ na vaw zi chi.

Ei châ ly kaw, ei lapinô,

Tiria nohzuah di chainô y!

EI SAHRÔSI

Ei sahrôsi, saw matlupa,

Laih para la, seih para la,

Khazoh chi la, a bie zyh la,

Nôpaw rei chhao a ngiah hra la,

Hlatlohna nah hro pasina

Khazoh pha ta cha pie mawh sy!

MAH-NÔ

Mahnô, mahnô, keima mahnô,

Mokuh nawh hla nâ ei chi ta,

Phôhpa lahnô na chho tyh chi;

Nodi dâhphi na hmô chi ta,

Beihpai pahâh na pai tyh chi.

EI NÔ

Ei nô,

Vyhpi ta na phaoh chi ta,

Na thisaih ta na chyhpa ta,

Na hrona sôh chhao keima châta na sokhâh tyh;

Na kyhpachâna kei châta a sôh chai.

PACHUTUH PHA KYHPACHÂNA

 aw b ch, sâkha sâno,

Ano vâta reih thai na ta;

Hawti hrupa chybia tu lei,

Ano vâta kaw soh nata;

A rôhnah chai, sona pietuh

Pachutuh pha kyhpachâna.